اخبار ماسبيرو والهتافات والمطالب

ويرسم الأقباط أمام ماسبيرو صورة رائعة للاحتجاج السلمي الحضاري المنظم ، فهناك لجان مسئولة عن الإعاشة للمعتصمين الذين يبيتون داخل الخيام بجانب أهل قرية صول من المسيحيين الذين يخشون العودة إلي بيوتهم خوفاً من بطش المتطرفين ، وهناك لجان مسئولة عن توزيع الأطعمة والعصائر والمشروبات التي أتي بها الكثيرون مشاركة منهم لإخوتهم المعتصمين ، وهناك لجان مسئولة عن الأمن تقوم بتفتيش كل من يدخل إلي مكان الاعتصام خشية أن يندس بين المعتصمين أي شخص غير مسئول أو يحمل أي نوع من الأسلحة بغية إظهار المعتصمين بصورة غير لائقة أو تشويه صورة المشهد الحضاري الرائع الذي يشكل ملحمة في حب مصر والانتماء الشديد الذي يظهر بكل وضوح وجلاء سواء في التنظيم أو الهتافات أو اللافتات التي يرفعها المعتصمين ، كما يؤمن الجيش المنطقة بعدد كبير من الدبابات !!

وكان هناك الكثير من الهتافات التي رددها المعتصمين أمام ماسبيرو منها :-

1- واحد أتنين.. حق القبطي فين؟

2- عايزين كنيستنا عايزين كنيستنا

3- بالطول بالعرض عايزينها في نفس الأرض

4- معتصمين معتصمين من ماسبيرو مش ماشيين

5- مسيحيين ومسلمين مصريين مصريين

6- مش هنطاطي مش هنطاطي إحنا كرهنا الصوت الواطي

7- قولوا للشرطة وقولوا للجيش إحنا نموت وكنيستنا تعيش

8- مهما حصلي هاصلي هاصلي ولو في الشارع برضه هاصلي

9- الدين للديان والوطن للإنسان

10- مش ها تنجح يا إرهابي تفرق بيني وبين أحبابي

11- مصر يا أم ولادك اهم دول علشانك شالوا الهم

12- مطالبنا مش كنير بس اسمع يا مشير: بناء الكنيسة في نفس الأرض ده من حق كل فرد : عايزين حقوقنا مش بنشحت عايزين قانون بناء عبادة موحد

13- الأقباط والمسلمين مصر لكل المصريين

14- يا مشير يا رئيس دم القبطي مش رخيص

15- يا نصارى يا مسلمين فين العدل ؟ وفين الدين؟

16- دي مطالبنا هي هي عايزينها دولة مدنيه

17- مطلب تاني إحنا عايزين محاكمة كل المجرمين

18- أهل القرية اسمعوا صوتهم لازم يرجعوا تاني لبيوتهم

19- بابا شنودة يا بابا شنودة دم الشهداء أصبح موضة

20- شايل كفني وجاي أموت اهتف اهتف علي الصوت

21- مش بالملة ولا بالدين مصر لكل المصريين

22- يالا يا بولس قول لهلال أصل الثورة صليب وهلال

23- سلميه سلميه سلميه سلميه

24- أنا مسيحي با حب جيراني دي عقيدتي وده إيماني

وأعلن المعتصمين إنهم لن يغادروا المكان حتى تتم تلبية كل مطالبهم المشروعة وهي:-

1- بناء الكنيسة في نفس المكان وبنفس المساحة

2- محاسبة المجرمين الذين هدموا وحرقوا كنيسة صول

3- عودة المسيحيين إلي بيوتهم في قرية صول فوراً وبطريقة كريمة وتعويضهم عن ما أصابهم من أضرار

4 - وبناء مطرانيه مغاغة

5- الإفراج عن تاسوني مريم وجرجس بارومي المحبوسين ظلماً

6- إقالة محافظ المنيا و إقالة محافظ حلوان ومحافظ الجيزة



تحية حب واحترام وتقدير لكل قبطي شارك وكل مسلم شارك و أيد المطالب المشروعة وصلاتنا أن يحفظ الرب بلدنا الحبيبة مصر من كل سوء وتبقي مصر لكل المصريين من أي أصل ومن أي دين !!!